Civil Aviation Authority - سول ایوی ایشن اتھارٹی دو حصوں میں تقسیم کردی گئی

سول ایوی ایشن اتھارٹی اور پاکستان ایئرپورٹ اتھارٹی کا باقاعدہ قیام عمل میں آگیا ہے، اور حوالے سے نوٹیفکیشن بھی جاری کردیا گیا ہے۔

سول ایوی ایشن اتھارٹی کی دو حصوں میں تقسیم سے متعلق وفاقی حکومت نے بڑا فیصلہ کرلیا، جس کے بعد سول ایوی ایشن اتھارٹی اور پاکستان ایرپورٹ اتھارٹی کا باقاعدہ قیام عمل میں آگیا ہے۔
اس حوالے سے نوٹیفکیشن جاری کردیا گیا ہے ، نوٹیفکیشن ڈپٹی سیکرٹری کیبنٹ ڈویژن کے دستخط سے جاری کیا گیا۔
جس میں وفاقی حکومت نے خاقان مرتضیٰ کو بطور ڈی جی سی اے اے کام جاری رکھنے کی ہدایت کی ہے جبکہ خاقان مرتضیٰ کو ڈی جی پاکستان ایرپورٹ اتھارٹی کا اضافی چارج بھی دے دیا گیا ہے۔
نوٹیفکیشن کے مطابق خاقان مرتضی کو ڈی جی پاکستان ایرپورٹ اتھارٹی کا چارج ابتدائی طور پر 3 ماہ کے لئے دیا گیا ہے۔
خاقان مرتضی کے پاس ڈی جی ایرپورٹ اتھارٹی کا اضافی چارج نئے ڈی جی کی تعیناتی تک بھی رہ سکتا ہے ، تعیناتی کا نوٹیفکیشن 23 اگست 2021 سے تاحکم ثانی تک ہو گا۔
خیال رہے صدر پاکستان نے آرڈیننس کے ذریعے ائیرپورٹ اتھارٹی اور سی اے اے کے قیام کا آرڈیننس جاری کیا تھا۔

Leave a Reply

Your email address will not be published. Required fields are marked *