saraikipoetry - سرائیکی ڈوہڑے

اگر آپ شاکر شجاع شجاع آبادی کی شاعری تلاش کررہے ہیں تو آپ ٹھیک پیج پر آ چکے ہیں ۔ اس پیج پر شاکر شجاع آبادی چار زبردست ڈوہڑے پیش کیئے گئے ہیں۔

جڈاں عشق نہ آزاد ہاسے تھیا عشق اسیر تھیوسے
دیدار کیتے چا دیداں دا کشکول فقیر تھیوسے
جڈاں نظر تھئی نچ پانی گئے اسا ولدے کھیر تھیوسے
جڈاں عشق مرید بنائے ول جگ دے پیر تھیوسے

جڈاں آن زوال دا سجھ ابھریا ڈینہ درد فراق اچ دھمدے گئے
جیڑھے دیوے بالیم خوشیاں دے او آپ وسمدے گئے
ڈکھ آکڑا بھن تے جاگ بیٹھن سکھ سوڑیں پاتے سمدے گئے
جیڑھے چھٹئے ہم پیار دےبج شاکر او دشمن بنڑ تے جمدے گئے

جڈاں ہاڑ دا موسم ہا جڈان گاہ گاندے میڈا ہاں لہندے
اوونیں وقت ڈوپہروں ٹالی تے آ کاں بہندے میڈا ہاں لہندے
جیویں وہمدا پگھر پونجھیندا ہاانیویں ہنڑ وہندے میڈا ہاں لہندے
میڈا شاکر چلھ تے نئیں ڈسدا جڈان ڈینہ لہندے میڈا ہاں لہندے

ات درد پرانڑے تھی گئے ہن کئی نویں درد عطاء کر ونج
وت سکھ دا بوٹا پھپڑیا پئے اینکوں پہلے وانگ سوا کر ونج
میڈے روون دی تک پوری تھیوے کئ اینجھاں ظلم جفا کر ونج
میکوں راس نئیں آیا سکھ شاکر میڈا اوہو حال ولا کر ونج

مزید شعراء کی شاعری پڑھیں

میڈی زندگی دا سرمایا ہے میڈا یار تے نالے پیار اوہدا
اوہ رنج ہووے میڈی ہنج وگدی ایڈا دل تے ہے اعتبار اودا

اوہ دور وسے بھاویں اکھیاں توں،ڈیرہ دل دے وچ سرکار اوہدا
اوہ جو وی کرے واجب ہے چاون ثاقب تے نروار اوہدا

کیوں میں توں گالھ لکینداں پئیں ھے حال چودھار توں پارویندیں
توں ڈس نہ یار ڈسیندا پئے تیڈا رنگ رخسار توں پار ویندیں
جڈاں ویدئیں ہوندے حال ایہو ڈے کھل دی مار توں پار ویندیں
ھے طارق سودی گال ہکا ڈیویں سو اعتبار توں پار

میڈا پیر فریدآ پھل لکھ ڈے ڈینھ لہنڑ توں پہلے ول آوے
میں اکھیاں نوٹ کے بہندی آں میڈے بہنڑ توں پہلے ول آوے
ڈر لگدے بھانڑے بھک تے ہن بھک ٖڈھنڑ توں پہلے ول آوے
متاں طارق جٹیاں ڈیکھ گھنن ہنج وہنڑ توں پہلے ول آوے

کیوں شام کوں بیڑی ٹھلدی پئی کر دھائیں دھائیں آہدی رہی آں
ذرا بیڑی جھل ہک دھاں میڈی ہے تئیں تائیں آہدی رہاں آں
میکوں بھنورے وانگوں بھئوں آگئے کر بھائیں آہدی رہاں آں
او طارق بیڑی ٹھیلی گئے میں سئیں سئیں آہدی رہاں آں